• 
• 

Read: 3167

Величко АНДРЕЕВСКИ

ВИДУВАЊАТА И ПОРАКИТЕ ОД СВЕТСКАТА КОНФЕРЕНЦИЈА ЗА ПОТРЕБИТЕ НА СПЕЦИЈАЛНОТО ОБРАЗОВАНИЕ ОДРЖАНА ВО САЛАМАНКА-ЗНАЧАЕН ПРИЛОГ КОН СОВЕСТА НА ЧОВЕШТВОТО

Од 7 до 10 јуни 1994 година во Саламанка-Шпанија, во организација на Вла­дата на Шпанија, а со соработка на УНЕСКО се одржа СВЕТСКА КОН­ФЕ­­РЕНЦИЈА за потребите од специјално образование: достапност и квали­тет. На Конференцијата присуствуваа над 300 учесници од 92 земји и 25 интер­национални организации.
На Конференцијата беа усвоени два исклучително значајни докумен­ти што ги детерминираат современите фундаментални претпоставки за организирање и градење на соодветен систем на специјалното образование во сите земји на светот. Имено тие документи се Извештајот од Саламанка за принципи­те, политиката и практиката во специјалното образование и нацрт активности за специјалното образование.
Во извештајот е даден повик до сите влади како и Меѓународната заедница и нејзините организации и сите други невладини организации, да го поддржат развојот на специјалното образование како интегрален дел на сите обра­зовни програми, апелирајќи на соработка и соодветен придонес на специјал­ното образование.
Нацрт активностите за специјалното образование има мошне широко значење гледано од политички, правен, организационен и стручен аспект. Нацртот се состои од три дела и тоа:

 

1. Нови размислувања за специјалното образование
2. Упатства за активности на национално ниво (политика и органи­за­ци­ја; училишни фактори; вработување и обука на образовен персо­нал; служби за помош од надвор; приоритетни области; можности на заедницата; потребни средства)
3. Упатства за активности на регионално и меѓународно ниво

                Од содржината на овие документи пред сî и над сî извира потре­бата за акција односно за реализација, бидејќи во нив нема многу простор за дилеми и енигми. Во таа смисла присутните надежи ќе се покажат како реални со евалуацијата на резултатите од нив што ќе бидат презентирани на една наредна ваква СВЕТСКА КОНФЕРЕНЦИЈА.