Read: 3403

Зоран КИТКАЊ

ПРОСЛАВА НА ДЕНОТ НА ХЕНДИКЕПИРАНИТЕ

                На ден 03. 12. 1999 година на Филозофскиот факултет во Скопје во големиот амфитеатар Институтот за дефектологија како и секоја година традиционално го одбележа денот на хендикепираните 3 ДЕКЕМВРИ.
За значењето на овој ден, за активностите реализирани во текот на годината и за потребата од информирањето на јавноста за пролемите што ги тиштат лицата со пречки во развојот зборуваше асистентот Зоран Киткањ. На прославата покрај вработените на Филозофскиот факултет присуствуваа гости од ресорните министерства за здравство, образование и труд и социјална политика, претставник на Амбасадата на Република Кина Тајван, претставници од Педагошкиот завод на Македонија, Заводот за унапредување на социјални дејности, претставници од инвалидските организации како и претставници од посебните основни и средни училишта и установите за рехабилитација од Скопје и од внатрешноста.
На прославата група студенти ги презентираа предлог мерките за Националната стратегија за спроведување на стандардните правила за изедначување на можностите на хендикепираните лица изготвени од страна на вработените при Институтот за дефектологија.
На прославата беше приредена и културно-забавна програма од страна на учениците од Центарот за образование и рехабилитација "Св. Наум Охридски"-Скопје.