• 
• 

Read: 4043

Наташа ЧИЧЕВСКА

НАСКОРО ЌЕ БИДЕ ИЗДАДЕН РЕЧНИК НА ЗНАКОВЕН ЈАЗИК

Во завршна фаза се подготовките за издавање на Речникот на знаковен јазик што ќе содржи околу 1.600 поими придружени со фотографии. Издавач на Речникот ќе биде Сојузот на глувите лица на Македонија, а го подготви петчлена работна група активисти на Сојузот што го познаваат гестовниот јазик. Претседател на работната група е Мице Башески, а членови на групата се: Раде Атанасовски, Вера Солева, Марија Башеска и Душко Хаџиниколовски. За изготвување на овој Речник црпени се искуства од меѓународниот речник на гестовни знаци како и литература од соседните земји. Во Македонија за прв пат ќе се сретне литература од ваков тип.